AHK Azərbaycanın Təhsil Nazirliyi yanında Peşə Təhsili üzrə Dövlət Agentliyi ilə əməkdaşlıq çərçivəsində təşkil etdiyi “Abşeron yarımadası və xaricində Peşə Təhsili” adlı unikal nəşrin rəsmi təqdimatı çərşənbə axşamı günü, 29 iyun 2021-ci il tarixində baş tutacaq. Tədbir Sənaye və İnnovasiyalar üzrə Bakı Dövlət Peşə Təhsil Mərkəzinin konfrans zalında (Koroğlu Rəhimov küçəsi, 76) keçiriləcək.

Bu eksklüziv tədbir biznes mühiti nümayəndələrini, eyni zamanda müvafiq peşə təhsil mərkəzlərinin direktorlarını və administrativ heyətini bir araya gətirəcək. Tədbir sağlamlığının qorunması məqsədi ilə sanitariya və gigiyena qaydalarına dair bütün karantin tələblərinə və tövsiyələrinə ciddi əməl olunmaqla təşkil ediləcək. Binaya daxil olduqdan sonra tibbi maskanın taxılması zəruridir. Tədbirdə iştirakçıların sayı məhduddur.